亞視「死期」已定，旗下藝人張家瑩及蔡國威等日前返回總台收拾細軟，並接受《好報》獨家訪問，說到激動處，兩人均淚如雨下，威仔直斥被迫參加「洗腦班」恍如走進十八層地獄，二人之所以忍辱堅守崗位是想證明「亞視嘅人係得嘅！」

張家瑩與蔡國威對亞視被釘牌均感悲痛，仍未知何去何從。

家瑩昨日到中環睇醫生，她指《好報》出街後有途人為她打氣，寓所的管理員亦關心她去向：「原來一直有咁多人默默支持自己，我同亞視仲有約，冇諗咁多，依家等緊葉家寶同其他高層話畀我哋聽跟住會有咩打算，希望快啲會有答案，好彩我間餐廳營運得唔錯，惟有盡力去打理啦！」