打碟后DJ Miss Yellow（黃泆潼）應邀到澳門新濠天地人氣熱點「嬌比」出席慶祝P，舊愛廿四味成員阿肥亦在場，Yellow自爆與阿肥反面多年，最近和好但拒翻撻，皆因她已轉口味！

轉戰DJ多年的黃泆潼性感上陣騷靚背，展現野性美！

阿肥（右）與阿傑到澳門捽碟狂歡。

工作人員高舉「煙花香檳」搞氣氛，High爆全場！

Kevin Boy為撐阿肥及阿傑，即興在台上打鼓。

組合廿四味成員阿肥（陳偉雄）、阿傑（梁永傑）、黃泆潼及鼓佬Kevin Boy（李健宏）等，前晚現身澳門新濠天地「嬌比」Club CUBIC四周年誌慶呈獻「正Zeng All Star Launch Party」，眾人以表演嘉賓身份上台打碟，現場大批樂迷狂歡起舞，工作人員又拿着大量插滿煙花的香檳出場，玩味十足！

打碟豬籠入水

一頭金髮的黃泆潼穿性感露背Top襯露腰貼身裙，與舊愛阿肥同台捽碟。有7、8年打碟經驗的Yellow打出名堂，記者笑她豬籠入水時，她笑說：「多謝多謝！係開心嘅。」問到經常出入夜場又穿得性感，可有遇過鹹豬手？她笑言衣着已比過往密實：「梗係有啦！但都冇乜嘢做到，冇報警，但一定要畀對方知囉！訓練咗咁耐，依家好醒目喇，知道咩人要防。」跟阿肥甩拖的Yellow笑稱單身，兩人同場並不尷尬，更承認曾反面：「幾年冇講嘢，始終咁多年，終於好番喇！（翻撻？）我鍾意外國人，唔心急，最緊要啱！」她還透露正學習製作音樂，雖困難但想探索自己的才能。

阿肥醉酒會笑

至於阿肥與阿傑則投入地與一班DJ打碟：「搞Party最怕冇人，會冇Feel！」曾在夜場與人爭執的阿肥說：「好少，基本上唔會同人烚氣嘅，人人都話我係Happy Drunker，飲醉酒會笑！」更自爆醉酒瘀事：「試過打緊碟太急去廁所，真係就爆，結果成個台冇咗人。」