吳雨霏（Kary）昨日到hmv出席新碟宣傳活動，她表示公司推出了買碟優惠卡，希望增加唱片銷量。問到剛為人妻的她可會叫老公洪立熙狂掃100張新碟？Kary笑言老公早已在音樂平台預購新歌：「梗係要啦！買碟最實際啦！如果賣得好，最好請我去旅行啦！」問到婚禮的籌備進度？她說：「時間太趕，搵唔到場地，咁可能唔會搞太大啦！兩家人都低調少少。」她又透露曾試穿婚紗，雖然啱心水，但試衫後發現衣不稱身：「同埋呢排搵緊屋，我哋都想搬屋，最好就咩都佢搞掂晒啦！因為佢性格係咩都要理。」

Kary透露老公已在音樂平台預購其新歌，認真識做！