吳君如昨日宣傳電影連踩兩場，先到年宵攤位「撐場」，其後於首映禮上，其另一半陳可辛更神秘現身，以航拍飛行器送上12卡巨型鑽戒作情人節禮物，場面似足汪峰向章子怡求婚一幕，有抽水搞笑之嫌，令君如感動到想喊。

戴上12卡巨型鑽戒的君如，開心得眼泛淚光。

航拍飛行器從天而降，君如見狀大為驚喜。

陳可辛（中）着君如從機上拿出戒指盒。

中門大開的DaDa，十分性感。

祖兒上載戴鑽戒相，劉浩龍否認是他所送。

吳君如昨日率領電影《12金鴨》演員出席維園的電影主題年宵攤位開幕，晚上又出席首映禮，黃秋生、薛凱琪、王菀之、劉浩龍和陳靜（DaDa）均有現身，中門大開的DaDa相當性感，但仍搶不到君如風頭，皆因其另一半陳可辛神秘現身，更以航拍飛行器送上12卡巨型鑽戒作情人節禮物，疑似抽章子怡水，君如更心急得自己戴上了無名指，期間，她又搞笑地對陳可辛說：「我有啲想喊呀！隻嘢係咪真？」陳可辛說：「呢隻嘢貴過部戲賺到價值呀！」

年宵攤檔賣底褲

至於在年宵中，有電影卡通人物造型的孖煙囪產品，浩龍、姜皓文和蔡瀚億更即席將此外穿，場面搞笑。而六合彩之父夏春秋更為「金鴨六合彩」鑑票，場面熱鬧。君如受訪時表示，戲中不夠人叫鴨，要出動助手和秘書客串。

而DaDa坦言於戲中叫鴨叫正前度浩龍，又笑言唔夠喉：「都係得佢一個，其實我想做鴨多啲，好似君如咁，好大犧性，想挑戰吓！」談到情人節，DaDa指與朋友度過，談及早前的上海男伴，她指現少聯絡，又大嘆未開始，加上異地戀難維繫，她說：「暫時唔考慮愛情，但唔抗拒身邊人出現。」

劉浩龍否認送戒指

另外，劉浩龍的女友容祖兒於社交網上載鑽戒，對此浩龍說：「佢都講明唔係我送，未送住。（佢係咪暗示？）我未得閒研究。情人節要工作，都冇時間食飯，不過佢會體諒，佢想見我忙。」