林盛斌去年司儀和主持工作不斷，據《好報》獨家披露，他去年吸金約一千七百萬！據知他為了頭家捱壞身子，但為了家人有更優質生活，計劃租住加多利山二千呎豪宅，與陳慧琳（Kelly）做鄰居。

Bob賺錢都係為養太太同三個女，果然係好男人！

陳慧琳

Robynn & Kendy偕AGA（左）錄製nowTV節目。

《好報》

林盛斌（Bob）近年在主持和司儀方面都大受客戶歡迎，工作一浪接一浪，據《好報》獨家披露，他去年已進帳近千七萬，吸金能力驚人！他至今在旺角擁有兩個住宅單位和一個寫字樓單位，在深水埗區亦擁有五個二百呎單位，同時有兩部汽車，單是資產總值已達三千多萬，身家總值約四千七百多萬！據知他正計劃搬到何文田加多利山二千呎豪宅居住，與陳慧琳做鄰居。

一年打四次開聲針

問到是否做了吸金王，Bob說：「全部都係辛苦錢嚟！要搵命博！近年身體差咗好多，我一年幾次大病、冧幾日廠，三個月要打一次開聲針，一年打四次，仲要定期睇中醫。（好多物業？）係呢幾年一萬幾千蚊咁辛辛苦苦儲番嚟，都係以儲錢同自住為主，唔係炒賣，真係好多謝無綫同新城電台畀好多機會，多謝啲客戶。」他又指近年家中增添新成員令他倍感壓力：「我都係積穀防飢、好天收埋落雨柴，呢行今日唔知聽日事。」至於搬大屋，他表示是為了頭家：「都係想大家住得好啲。睇樓時啲女好開心，但因為租金好貴，惟有再辛苦啲。」而Bob昨日為鏡片品牌周年晚宴擔任司儀時透露，新一年計劃開Talk Show繼續吸金，農曆新年休假則會出外派利是：「小朋友出世至今啲生日、新年利是錢儲起晒，留番日後做嫁妝。」

Robynn & Kendy行善回饋

另外，《好報》同時獨家披露了藝人黃美棋和黃芷晴於2014年吸金逾百萬，而組合Robynn & Kendy更吸金五百萬成女子組合的掘金王，她們昨日為nowTV錄賀年節目時說：「參加好聲音（《中國好聲音》）後先多咗內地演出，唔止商演，我哋都做多咗慈善演出，所以好感恩有呢個機會。」