藝人梁嘉琪的傻大姐性格眾所周知，在無綫節目《學是學非》中已表露無遺，但她卻指以往不愛做鬼臉：「個改變係拍咗《學是學非》之後，成日都要好多表情、得得意意，令到自己個人都開心咗！」更指古靈精怪樣令不少身邊人看得開心。早前在無綫劇《老表，你好hea！》中飾演「小報告」的她表示，角色對世事置身事外兼不屑的態度，所造成的反差令旁人覺得很好笑：「原本係一啲好Mean（小家）嘅態度，反而覺得搞笑。依家有人影相問我可唔可以反個白眼，我都好樂意做呢個表情，名正言順反人白眼真係好爽！」不時做鬼臉的她笑言已練得一身「反白眼神功」。由於去年有不少不愉快事件發生，故她希望今年為所有人送上愛心，為搞笑不介意反多幾次白眼。

反白眼嚟講，梁嘉琪一定係權威。

梁嘉琪扮醜完全冇難度。

既然熱愛扮鬼臉，扮可愛又點會難到梁嘉琪？