藝人陳敏之、張兆輝、阮兆祥與許紹雄昨日在香港大學為無綫新劇《性在有情》拍攝，內容講述輝哥向敏之求婚。適逢昨日是敏之36歲生日，3位猛男特意送上鮮花及生日蛋糕炮製驚喜，喜出望外的壽星女主動向他們獻吻答謝，又透露晚上會到電視城拍廠景，前晚已與親友慶生：「今晚喺廠會拍生仔戲，好有意義！阿媽生我出嚟咁辛苦，生日拍生仔戲好正！」問到會否要求拍檔送禮？在旁的輝哥笑說：「佢咁多禮物，使乜再送！」語畢卻從衣袋拿出一張心意卡，令敏之冧到爆！

敏之獲三位猛男送上鮮花及蛋糕慶生。

輝哥跪地向敏之求婚，夠晒誠意！

談到戲中的求婚戲，敏之嫌老公求婚時不及片中的橋段浪漫：「拍戲一定浪漫啲，真實比較求其！（扭計叫佢浪漫啲？）扭計嘅話，佢當日就唔會娶我！」至於祥仔自爆晚餐已準備好壽司及香檳，打算再度為壽星女送上驚喜。