Jeana昨晚密實上陣，峰頭不及「死敵」袁嘉敏，但繼續口不饒人，提到兩人傳不和，她說：「以前嘅我會話『識佢米奇老鼠』，但拍完後希望大家鍾意佢，佢做得好，身形又Keep得好。（做唔到朋友？）我有好多朋友，不過多敵人好過多朋友。（講錯咗？）係呀！多朋友好過多敵人。」提到袁嘉敏的露點片段外洩，她戥對方慘，問到會如何安慰？她笑說：「買隻米奇老鼠畀佢囉！」

Candy（右）與Jeana合照時明顯相當不情願。

另一女星唐紫睿（Hazel）大晒兩吋事業線，問到與袁嘉敏是否朋友？她說：「有撩佢傾偈，感覺唔太好，可能佢心情差，成日嬲爆爆咁。（你哋杯葛佢？）睇唔到呢啲情況。（試吓做朋友？）拍戲係工作，唔係為咗交朋友，隨緣啦！」

此外，Jeana有份參演、周柏豪及劉心悠主演電影《小姐誘心》昨午原定在旺角舉行謝票活動，但因故臨時取消，驕陽電影公關表示因與戲院方面溝通出現問題，未能安排適當場次而取消活動。而莊思敏、劉心悠及導演葉念琛前日到吉隆坡出席首映活動，來自馬來西亞的思敏獲大批粉絲及家人撐場。