樂壇新人丁悅（Tiffany）前年在內地電視台的歌唱比賽節目《向上吧！少年》中入圍全國14強，她坦言經驗難得：「其他參賽者好勁，有人跳舞，有人玩武術甚至唱京劇，我就淨係企定定唱歌，所以入到圍真係好幸運！」

丁悅憑內地歌唱比賽節目《向上吧！少年》而為人熟悉。

出道不久便舉行處女個唱，連樂壇天后容祖兒（Joey）都致電鼓勵她，令她十分驚喜：「演唱會試妝時經理人無端端遞個電話畀我，一聽到『Hello，我係Joey啊！』我即刻啞咗，佢同我講加油同恭喜，仲話希望將來可以見面，我當堂開心到化化吓妝腳軟跪低咗！」她更自爆是Joey的地下歌迷會副主席，希望可與偶像合作：「佢每隻碟我都有買，亦都知佢好提攜新人，所以有機會想同佢合作！」