藝人楊愛瑾（Miki）與永安太子爺郭永淳拍拖多年，一直被指是第三者，日前男友發聲明還她一個公道，Miki冧爆否認退出娛圈及為結婚鋪路，當提到男友前妻卻三緘其口。

Miki甜笑指男友發聲明相當感動，但暫未有結婚打算。

與郭永淳拍拖多年的Miki，日前終於得到男友澄清並非小三。

認真寫願望的Miki望新一年能放下「小三」新聞，重新出發。

楊愛瑾昨日到觀塘apm出席活動，她透露除夕當晚與男友郭永淳及朋友齊齊倒數，問到男友日前突發聲明澄清她並非小三，Miki承認好冧：「當然感動！最緊要好似佢咁講，2015年放低呢個新聞。」

她表示事前已得悉此事，但未有追問男友突然高調的原因，又大笑否認為結婚鋪路：「暫時冇呢個計劃，隨緣啦，仲要還債畀公司！」

避談男友前妻

談到男友與前妻伍智恒有否聯絡？Miki表示不會代對方回答，再問到會否怕聲明刺激伍智恒？她面有難色地說：「嗯……呢個好難答！唔係好識答呢個問題。」

有指對方多年來的指控影響其形象，令她收入大減，Miki避談此事：「一切過咗去！2015年會努力工作，正能量最緊要，有咩都會勇敢面對。」並再次澄清今年沒有結婚打算。

唔認退出娛圈

日前有報道指她報讀金融課程並計劃退出娛樂圈，她否認其事：「我係有讀課程，識多啲嘢充實啲，唔係淡出娛樂圈，如果要淡出都好難，我份約簽咗好耐！」