歌手吳若希昨日出席頒獎禮拉票活動，今年憑神曲《越難越愛》人氣急升的她，坦言不敢越級挑戰「金曲金獎」！她更大方承認今年豬籠入水，每月有六位數字收入，成為圈中小富婆！

憑神曲《越難越愛》唱到街知巷聞的吳若希，不敢越級挑戰金曲金獎！

洪卓立自爆拍戲化醉酒妝令皮膚敏感。

鄭俊弘落足力表演，為頒獎禮拉票。

悉心打扮的JW（左）與師姐衞蘭孖公仔現身。

歌手吳若希（Jinny）昨日聯同衞蘭（Janice）、洪卓立（Ken）、Soler及鄭俊弘等出席《勁爆》頒獎禮的拉票活動，各歌手輪流上台以不同道具拉票。心情緊張的Jinny透露恨在頒獎禮上捧獎：「今晚會出席無綫《勁歌金曲優秀選》，好緊張，自從做《勁歌金曲》主持後對自己幾有要求，希望今晚有份攞獎。（有優勢？）唔關事！不過今次攞獎嘅話可以算係一支強心針。」

睇好張敬軒

問到可有信心憑《越難越愛》奪《勁歌》頒獎禮的「金曲金獎」？她即謙稱「未夠班」：「畀我攞都未必夠膽！自己心目中嘅『金曲金獎』係軒仔（張敬軒）嘅《青春常駐》。（驚攞咗之後好似林峯攞《亞太區最受歡迎男歌星》咁承受唔到壓力？）哈哈，驚嘅！始終我出道年資尚淺，慢慢嚟啦。（有信心喺其他頒獎禮攞獎？）平常心啦！」談及聖誕願望，她說：「我希望健健康康，因為我係藥煲，啲同事成日笑我財多身子弱！（今年係歷年嚟賺得最多錢？）係！Keep住每月有近六位數字（收入），多謝公司同大家支持。」

Janice未諗續約

而問到Janice續約問題時，她透露放完聖誕假會決定去留，並承認有其他唱片公司向她招手，但未跟任何公司及現任老闆黎明傾合約問題，有意自組公司的她希望與妹妹衞詩共同進退。

至於Ken則透露最近忙於拍攝有關飲酒的電影，為化醉酒妝而令皮膚變得極度敏感，他笑言自己「零酒量」，小時候曾經飲醉酒想打人。