藝人呂慧儀及歐陽震華（Bobby）昨日於銅鑼灣一間診所出席測試膽固醇活動，身為一子之母的呂慧儀笑言，老公黃文迪經常呷囝囝醋，更因生病被迫分房瞓：「佢病咗成個星期，唔畀佢掂個仔！」她又希望多減十磅，但因要餵人奶而沒有節食減肥，而是多做運動。

呂慧儀最近積極做運動收身。

而去年曾因病入院的Bobby，坦言比以前更注重健康：「依家食嘢真係謹慎好多，以前食嘢太快唔知飽，依家會食少啲肥膩嘢！」他又透露將於下月與萬綺雯合作拍攝無綫新劇《東坡家事》：「仲有蝦頭同黃心穎，今次責任幾大，因為個個都傻嘅！心穎性格男仔頭，蝦頭更加唔使講啦！」至於太太會否擔心他拍劇過於操勞？他說：「都唔擔心得咁多啦！」