因為一句「出糧係天經地義」而觸怒亞視的筱靖，因傳被雪藏而大感無奈，昨日她受訪時指，導火線是公司不滿她早前自爆月薪只得七千：「唔係為利益而講！」

對於公司秋後算帳，筱靖大感無奈。

2006年亞姐季軍韓燕被揭底薪有六千。

曾為亞視活動擔任主持的筱靖，未知何時才能復工。

亞視拖糧令員工不滿而傳出罷工，但亦有不少幕前藝人願意共度時艱，其中2007年亞姐筱靖曾表示「同一條船會信公司」以示支持，最後亞視靠王征再「泵水」而成功於周四出糧，她亦興奮表示已過數，然而亞視過難關後，卻對筱靖秋後算帳。

「高層敢做不敢認」

有傳亞視因一句「出糧係天經地義」而咬着筱靖不放，指她於拖糧期間說過這句話而觸怒高層，因此將她雪藏，其參演的節目包括亞姐評判和《星動亞洲》等工作全部被抽起。亞視高層趙汝強日前雖否認此事，聲稱是給予新人機會才換主持，但筱靖昨日受訪時卻無奈表示這個罪名「莫須有」，她說：「高層敢做不敢認，原來做良心員工就是要學懂按住良心說話！」問到可認為說過「出糧係天經地義」才觸怒公司？她澄清：「唔係，查實唔鍾意我講七千蚊人工出嚟，好似踩公司！當年我講都係為咗幫公司，撐上堂（洗腦班）先自爆七千蚊嘅事，以表我唔係為咗利益而講，今日公司居然攞嚟小題大做！」

親友同事表支持

對於拖糧一事，筱靖重申自己立場，希望公司不要歪理當真理：「遲咗出糧大家都唔想，既然同坐一條船，有虧欠大家就共同承擔，如果『出糧係天經地義』都唔啱，不如叫佢哋到山區做義工，能夠幫助更多有需要嘅人！（同事支持？）我覺得好無奈，只怪我自己唔識玩政治遊戲，不過我冇做錯，家人、朋友、同事都好支持我！」