周柏豪昨日出席牛仔褲活動時透露，早前半裸上陣拍廣告被淋墨，墨汁流過尷尬位置時比之前全裸在堆填區拍戲還難受！

柏豪以型格打扮出席牛仔褲活動。

柏豪自爆被墨汁淋身的感覺尷尬又難受！

柏豪半裸上陣拍廣告，即使沖涼被睇全相也不介意。

歌手周柏豪昨日現身牛仔褲品牌活動，播出他為品牌拍攝的廣告。廣告中，柏豪赤裸上身被墨汁淋滿身。他笑言事後要助手及髮型師協助沖涼及洗去墨迹，雖然被看全相，但柏豪不介意：「唔只今次，平時拍戲換衫都有呢個情況，佢哋睇慣咗。可能佢哋出面睇嘅仲勁，我呢啲係小朋友嘢。」

難受過堆填區全裸

今次是柏豪首次半裸上陣拍廣告，他表示當冰冷的墨汁流經身體溫暖的位置時感覺難受：「流到啲尷尬位置會尖叫，大髀內側好難受！」並笑言拍戲試過全裸在垃圾堆填區演出，但今次拍廣告較辛苦：「堆填區係臭，但啲墨汁好杰，流喺個身度感覺好難受，難受過堆填區。（收貴啲？）愈嚟愈好，好滿意！多咗好多機會同品牌合作，今朝喺成都返嚟，都係做時裝品牌嘢。」

柏豪稱個唱後未有好好休息，要待農曆新年才放假與家人去旅行，至於女友有否投訴他太忙？他說：「冇，向來低調。（叫佢陪你開工？）唔會，每個人都有自己工作。（佢嘅工作係做跟得夫人？）唔好轉工住，等我養得起自己先諗。」