宅男女神周秀娜自與陳偉成分手後，身邊不乏追求者，而她日前到峇里旅行時獲靚仔教練教衝浪，又攬到返酒店，更揚言不抗拒異地戀。

Chrissie自爆到峇里旅行時有艷遇。

宋承憲大擺心形手勢。

吳雨霏以性感Bra Top造型出席活動，十分搶鏡！

韓國型男宋承憲、周秀娜、吳雨霏及關楚耀等前晚出席Versace時裝派對，宋承憲到場時盡顯友善，在布景板前拍照時有求必應，一時揮手一時擺出心形手勢。

預告有下文

而春風滿面的周秀娜（Chrissie）透露早前與友人到峇里旅行，更自爆有艷遇：「啱啱喺峇里返嚟，陪個朋友，佢失戀，我陪佢去療傷，乘機放吓假。」問到有沒有艷遇？她即難掩喜悅之色：「幾開心囉！諗住去衝浪衝走啲唔開心，點知衝咗啲嘢埋身。個教練好好人，佢仲揸電單車送我返酒店。（你咪攬實佢？）都係o架，我哋有注意道路安全，佢手車好好。（靚唔靚仔？）都靚仔。（送上房？）我哋喺酒店飲咗杯嘢囉！大家朋友啫，出去識多啲朋友冇所謂。」問到有否交換電話及回港後是否仍有聯絡？Chrissie說：「佢有問我會唔會再去，我幾鍾意衝浪，下次再去都會搵番佢，搵個相熟嘛！（接唔接受異地戀？）可以試吓，最重要係鍾意，邊度都冇所謂，佢係當地人。」