苟芸慧與梁烈維日前戴黑超，以一身情侶黑超型爆打扮出席《飛虎II》首映。苟姑娘笑言幸獲同場的羅仲謙借出黑超才能配合。
苟芸慧與梁烈維齊戴黑超，兼以情侶裝打扮到場。
而維維解釋最近將名字從「唯」改成「維」的原因：「唔係貪得意，係覺得自己太多『口』！（『系』字邊有咩意思？）係代表堅持，一直向住目標努力咁解。爸爸幫我改個名『口』字邊係希望我靠把口搵食，依家實現咗啦！希望以後可以繼續腳踏實地。」
