乖乖女鍾嘉欣在無綫新劇中不再「嘉欣BB」，豁出去轉演躁狂硬淨女警。前晚她出席首映時自封「癲雞」，自爆拍攝期間太投入，不時眼凸凸怒睥人，令人誤會她性情大變，可見嘉欣搏盡衝擊視后！

飾演躁狂女警的鍾嘉欣，因太投入演出而被馬德鐘等誤以為性情大變。

《飛虎II》演員手持飛虎隊步槍主持首播儀式，氣勢十足。

佘詩曼

鍾嘉欣拍攝不少動作場面，為衝擊視后可謂搏到盡。

無綫花旦鍾嘉欣坐穩一線多年，惜始終未能一嘗視后滋味，去年她擔正劇集《巨輪》原本呼聲甚高，但最終被同劇的田蕊妮殺出贏得視后。今年踏入30歲的嘉欣再度發力，除了剛播畢的劇集《大藥坊》外，在今晚播出的台慶劇《飛虎II》中，更拋開過往乖乖女形象，飾演曾做臥底、有躁狂症的刑事情報科（CIB）探員，情緒大起大落，經常一副兇神惡煞樣，更親身上陣挑戰多場動作場面，演出賣力！

同事誤會寸寸貢

前晚嘉欣身穿藍色連身裙，與馬德鐘、羅仲謙、梁烈維、袁偉豪、苟芸慧及翟威廉等出席《飛虎II》在九龍灣舉行首映。今次首映在戲院大銀幕播放，眾演員手持飛虎隊步槍射向戲院銀幕作為首播儀式，氣勢十足！

嘉欣受訪時直言對劇集相當期待，繼之前自封「鍾男欣」之後，前晚更以「癲雞」形容自己：「今次打破嘉欣BB嘅形象，真係幾癲雞，係我入行最激一次！演出嗰陣我個腦成日諗埋啲變態嘢，成日好躁，唔出聲，人哋嗌我又唔應，搞到啲同事會話：『嘉欣係咪寸咗呀？』拍嗰排仲不時眼凸凸，似足喺劇中嘅角色，抽離唔到，要隔幾個月先平復到心情！」

伍允龍隔空力撐

嘉欣表示拍動作場面時曾受傷，要入院治理。問到為何男友伍允龍未有現身撐場？她只笑笑口說：「呢啲低調處理。」而伍允龍昨日透過短訊回覆，隔空力撐嘉欣BB：「我哋不嬲好支持對方作品，今次呢套劇，我好渴望去睇，知道佢好多動作鏡頭，同以往唔同，我會特別留意呢啲場面。」

不過嘉欣要贏得視后並非十拿九穩，早前佘詩曼憑《使徒行者》「釘姐」一角在新加坡封后，被視為超級熱門，連另外兩位視后候選人徐子珊及楊怡亦自認唔夠阿佘撼。