組合Super Girls曾與吳若希在同一間唱片公司工作，對於當年師姐Jinny被爆出疑似床照，隊長Aka睇完相片即說：「係咪移花接木？唔相信佢會影呢啲相。」隨即力撐Jinny說：「佢好Nice，工作認真，當年大家一齊出席活動都有講笑。（有傳佢為上位同好多Uncle關係密切？）唔夠膽評論。」另外，Super Girls昨日以短裙騷白滑美腿出席《感受澳門嘉年華》活動，剛由泰國返港的Yanny表示送了很多當地的手繩給姊妹，而Heidi被問到知否好友吳雨霏與前男友洪立熙「翻撻」，Heidi說：「睇報紙先知，戥佢開心。」由於她剛與富二代監製男友分手，問她有否「翻撻」？Heidi說：「暫時唔會，專注工作先。」她又指Super Girls稍後會與對方合作，強調見面不會尷尬。

Aka與Super Girls各成員出席活動，並力撐吳若希好Nice。

胡鴻鈞不相信吳若希有「契爺」關照。

此外，曾與吳若希傳緋聞的胡鴻鈞接受電話訪問，力撐Jinny，指她是義氣女仔，樂於助人，對於傳她跟契爺來往甚密，他說：「唔可能，佢唔使靠人，依家佢都好紅，好多工作做。」