陳倩揚昨日挺住6個月大肚宣傳無綫劇《使徒行者》時透露，預產期為明年1月，第二胎同是男仔。已育有一子的她將再添丁，被問到會否考慮再追個女？倩揚說：「我鍾意熱鬧，多啲小朋友都好開心，所以唔排除，身邊好多朋友都唔只兩個小朋友，長輩都好贊成。（會改定名？）要出世睇咗個樣先！」並稱現年三歲的囝囝Auryn亦期待弟弟出世：「佢知自己就嚟有個細佬，乜都預多佢一份。」

懷孕六個月的陳倩揚仍挺巨肚谷劇。