謝霆鋒和王菲「世紀復合」，曾在無綫節目《最佳男主角》訪問霆鋒的黎芷珊，收到消息後舉腳贊成：「梗係好！大家都單身，而且霆鋒都Dry咗好耐！印象中喺訪問度，佢都有提到王菲係佢愛嘅女人，所以時至今日，佢哋復合我哋都等咗好耐。」並指兩人「再撻即着」，修成正果「唔出奇」！

汪阿姐指鋒菲目前單身，只要接受姊弟戀便可，君如則認為做人開心就得。

吳君如

C AllStar恭喜鋒菲復合。

薛家燕表示鋒菲兜兜轉轉終於走在一起，一定很喜歡對方。

而「阿姐」汪明荃錄影節目期間亦收到復合消息，訪問時第一句便說：「想問我霆鋒呀？拉姑今次又頭痛？（祝福佢哋？）冇話祝唔祝福，大家都單身，都唔係唔可能發生，姊弟戀接受到咪得囉！」同場的吳君如說：「有少少驚訝，做人開心就得。影到相？我都想睇吓，怪唔得佢（霆鋒）唔覆我機啦！我聽日都去北京做嘢。（探佢哋？）都好喎！」薛家燕則說：「好峰迴路轉，兜兜轉轉都喺番埋一齊，一定好鍾意啦！」

此外，曾與霆鋒前妻張栢芝傳緋聞的C AllStar成員釗峰，知道鋒菲復合時說：「如果係真就恭喜佢哋。（有冇關心栢芝？）唔關嗰邊事，邊個同邊個拍拖，係佢哋嘅事。」