謝霆鋒翻撻王菲再續姊弟戀，一眾堪輿學家都異口同聲表示二人很夾，更有機會結婚！麥玲玲師傅表示兩人有機會結婚兼生B：「霆鋒嘅命格係『配大妻』，王菲大過霆鋒之餘，兩位性格同五行上又幾夾，不過最快都去到2016年先有機會結婚甚至添丁，呢一、兩年係拍住拖先。」

麥玲玲指鋒菲有機會結婚兼生B，陳子才亦指兩人會是終身伴侶。

陳子才

李丞責師傅指兩人感情會更上一層樓：「依家兩個人都行緊桃花運，不過未行歸宿嘅桃花大運，如果佢哋跨過感情上嘅問題，出年或大後年會有進一步發展。」陳子才師傅稱兩人會是終身伴侶：「霆鋒今年暗帶紅鸞桃花，王菲有咸池桃花又有天喜星，代表有機會翻撻、結婚同生仔。但今年唔結婚之後就必未會結，可能一路做伴侶。」

不過，玄學家李居明卻狠批鋒菲只有十一個月的緣分，兩人最終會甩拖：「今年八月八日至明年七月有復合緣分，但兩人終必分離，各自搵互補嘅配偶。」