來自馬國的「翻版林心如」胡桐語（Iris）被曾志偉睇中，憑住一對42吋長腿殺入香港，正苦練廣東話的她希望學習偶像王菲的獨特唱腔。

Iris大晒長腿，進軍香港樂壇！

王菲是Iris的偶像，獨特的唱腔令她留下深刻記憶。

Iris甜美歌聲被志偉睇中，可謂是她的伯樂。

來自馬來西亞的「翻版林心如」胡桐語，在當地電視台參加歌唱比賽而被星探發掘入行，在一次澳門的影展上擔任表演嘉賓時，被同場的曾志偉賞識，她說：「佢有叫我加油，如果唔係佢，我依家都唔會喺香港，佢係我嘅恩人，希望有機會喺香港發展，透過歌聲去感謝佢。」

積極學廣東話

有意在香港及日本發展的她正積極苦練廣東話及日文：「吉隆坡講嘅廣東話同香港啲音唔一樣，我嚟咗香港之後，好多字都唔明，所以有請教同事。」除了自小已睇香港劇集外，Iris原來最愛聽王菲的歌：「因為哥哥好鍾意聽王菲啲歌，聽聽吓我就鍾意咗，我比賽時有揀過《給自己的情書》嚟唱，王菲有一種獨特唱腔，唱得好有Feel，我當然要學嘢啦！」首次來港的她率先欣賞了維港夜景，又品嘗了夢寐以求的地道點心：「去咗Sky100睇夜景，覺得好靚，同想像中一樣。同埋我好鍾意食嘢，食咗香港點心，之前睇戲見到桂花糕，開頭唔知乜嚟，因為馬來西亞冇桂花，依家終於都試到，簡直一流！」