女星Angelababy（楊穎）於紐約時間本月4日出席在當地舉行的Coach 2015 SS Presentation，同場還有韓模Hyoni Kang（姜承賢）及So Young Kang（姜素英）、內地女星韓丹彤等。穿上全新秋冬裝的Baby，到場時被半百中外傳媒包圍，全程獲品牌設計師Stuart Vevers貼身招呼，她更獲特別安排私人導覽睇時裝騷，認真巴閉。對有傳參與韓國節目《Running Man》（RM）內地版，Baby大賣關子，但自稱是節目粉絲：「因為我鍾意劉在石同Big Bang，睇嘅時候第一個想法係都想玩，個節目真係又感動又好笑，笑到趴喺地。」對於不少荷里活影星艷照曝光，Baby表示因擔心安全問題，故沒有用iCloud。另外，有網友發現黃曉明早前陪她揀衫為出席時裝周作準備。

Baby透露忙於北京拍電影《鬼吹燈之尋龍訣》，故是次只留紐約兩日。

韓模Hyoni Kang（左起）、Baby、設計師Stuart Vevers及韓模So Young Kang現身時裝周。

對「嘉樂」情有獨鍾的湯盈盈，出場時都要翹實黃嘉樂。

自言不心急結婚的宋熙年（左），無端端成了湯盈盈的「擋箭牌」。