性感女星「仙樂都」吳堯堯形象惹火，不時拋胸散發女人味，原來她亦是一名運動健將，求學時更贏得不少田徑獎牌：「我比較好動，細個體能幾好，仲試過打破800米紀錄！依家少咗時間運動，但都會打乒乓波同羽毛球，冬天仲會打網球添！我覺得女仔要做運動，肌肉線條Firm啲會好睇啲。」愛以綿羊仔代步的她又笑稱，父親是農夫，以往上學前要負責運載蔬菜到街市，因此踩單車的技術亦算不俗！

仙樂都在學生時代幾乎日日踩單車運菜，腳骨力應該唔錯！

形象性感的仙樂都冇時停，閒時愛做運動Keep Fit。