Neway二少奶諸葛紫岐產後火速收身，近日以七位數字簽約加盟英皇娛樂。身為Neway Star老闆娘的她更計劃合兩家之大成，在電影上擦出新火花！

諸葛紫岐以七位數字簽約加盟英皇，希望在影壇闖一番事業。

諸葛加盟後，相信今後必定經常與英皇藝人合作。

年前「薛王妃」諸葛紫岐與Neway二少薛嘉麟結婚後，去年底誕下「岐麟B」，她雖已貴為少奶奶，但在事業上未有鬆懈，產後短短半年便回復弗爆身材，準備復出。據知諸葛最近以七位數字簽約英皇娛樂，並計劃向演藝事業方面發展。

諸葛接受本報訪問時表示今次簽約很開心：「希望會有火花出現，都傾緊啲劇本，公司好錫我，大家一齊傾咗好多，有好良好嘅溝通，覺得會有更多機會。」

物色適合劇本

談及以七位數字加盟英皇，她笑言簽約並非為錢，最重要是大家有火花：「我以前拍過好多嘢，好似電影《最強囍事》、《保持愛你》等，又同楊謹華拍過電視劇《幸福三顆星》，我憑呢套劇拎咗個『最有潛質新演員』，好希望嚟緊有更多機會。」

英皇藝人及唱片管理部總監霍汶希（Mani）亦大方承認已與諸葛動筆簽約：「佢未結婚前已經傾過，但當時合作唔到，依家再次結緣。」又稱諸葛主攻電影市場，正為她物色適合的劇本，亦打算與諸葛夫家Neway合資拍電影。

提到諸葛婚後復出，Mani說：「依家好多事業型女性，婚後依然有自己事業，佢係好熱愛工作嘅人。」另外，英皇最近亦簽了詹瑞文加盟成為旗下藝人，計劃在電影方面多元化發展，除了本地的製作，亦會放眼內地市場。