莊思敏爆女星冧導演獻身
名模莊思敏出新書自爆六段情史，昨日現身書展時承認舊愛吳浩康是書中主角之一，更形容他是第一任「男」朋友，因對方一句「唔想你試都唔試」而拍拖。書中除談到朋友的性癖外，並直斥有圈中人用性換取工作，猶如「合法強姦」。
莊思敏在新書中連環大爆6段情史，甚至寫埋朋友的性癖好！
莊思敏寫了有關與舊愛吳浩康的相處點滴。
莊思敏昨日出席書展，向來形象性感的她卻封胸上陣。
莊思敏在書展力谷新作，更與支持者合照留念。
莊思敏（Jacquelin）昨日現身書展力谷新作《大情大性講情講性》，雖然打扮密實少了點「峰」頭，但笑言怕影響大家胃口，又自揭新書「秘密」，連環大爆包括吳浩康在內的6段情史、朋友的性史及娛圈黑幕！她不諱言考慮到多宗「爆料」牽涉他人，經過一番思量後，認為冇任何事需要隱瞞，故決定自揭情史，她透露寫了有關舊愛吳浩康的相處點滴：「寫咗6段舊愛情史，有講到吳浩康，雖然冇開名，但其中一個一睇內容就知係佢。（送畀佢？）都好，但驚佢唔敢睇，因為事前冇通知過佢。」
唔驚鍾舒漫發嬲
換言之，吳浩康在不知情下「榮升」主角，向來冇有怕的Jacquelin揚言無懼其女友鍾舒漫發嬲，她解釋：「都係寫番自己嘅愛情故事，背後主旨講一段關係嘅好與壞，只係過程，自己要成長，同埋驚唔到咁多。」此外，她又透露會分享朋友的性經歷：「寫咗朋友嘅性癖好同埋趣怪嘢，自己嘅經歷冇咁深入，同埋我係正常嘅，冇性癖。」
在長達一百五十七頁的自爆史中，Jacquelin承認有過5位同性戀人，可惜多段關係因對方不忠而分手，至於傷得最深的最後一段同性關係，令她驚覺女仔與男仔同樣花心，轉而開始考慮與男性拍拖。雖然書中未有開名揭誰是「第6號愛人」，但單憑形容他是第一個「男」朋友，明顯是指吳浩康。
一句說話被打動
Jacquelin透露，對方追求她時，礙於過往女同志身份，她甚至指從未試過跟男生親熱，沒料到對方竟然回覆一句「我寧願你試咗唔得，推開我，都唔想你試都唔試就算。」成功打動她，可惜感情維繫五年最終仍然分手。對於舊愛再提情史，本報昨晚致電吳浩康時，他說：「過去咗嘅嘢唔想再提。」
此外，Jacquelin又在書中大爆圈中黑幕，她聽聞有女演員向已婚導演主動「獻身」，翌日升格「女友」，二人手拖手現身片場，該導演更說：「冇人夠膽再恰你！」種種黑幕令Jacquelin看不過眼，她指出有人利用權力威脅演員就範，有導演竟笑淫淫向女演員表示，若想擔演某角色，晚上便要找他「傾偈」，這樣無疑是「合法強姦」。
