有別於一般女星，「邦女郎」伊娃格蓮（Eva Green）雖然拍過不少荷里活大製作，不過仍然怕成為焦點，除坦言最憎做訪問外，性感的她更曾因怕床戲而推戲！

記：記者　伊：伊娃

記：聽說你討厭做訪問，可以分享一下原因嗎？

伊：我覺得做訪問好假，不喜歡與人講自己的事，而且覺得其實我的演出已經講明所有事，不過都明白好多時候「唔講唔得」。而且我之前曾經看過很多影評，實在太恐怖，竟會公開批評我的身材，真唔明點解要咁惡毒！

記：你覺唔覺得愈來愈多人以裸露為焦點？

伊：都係，大家都會討論我於電影中的性愛場面，令我有時覺得自己似足4仔女星，就算我親生姊妹早前去愛爾蘭片場探我班，她都問點解我每次拍戲都有床上戲，我只可以講，性係生活的一部分，不過其實拍床上戲好恐怖，個個演員都唔鍾意，而我每次拍之前都會練習，試吓擺位同步驟，好似專家咁！

記：可以講一講曾經拒拍丹麥導演拉茲馮特艾爾（Lars Von Trier）作品的原因嗎？

伊：那時的我感覺特別脆弱，決定暫時唔拍任何床戲，怕大家只記得我的身體而不是演技，而且《Antichrist》有不少露骨場面，我問拉茲的時候，他明言冇人可以質疑其權威，認真專橫。

記：聽說你收集昆蟲和骷髏骨頭，不怕嚇倒到訪的親友嗎？

伊：哈哈，他們都當我是蛇蠍美人與怪人，其實我的收藏品好靚！巴黎有一間店舖有世界上最靚的動物標本，不同的雀鳥、駱駝同獅子等，應有盡有，我就係於該店買下一個巨型牛頭，當時它好似望住我一樣，我就覺得要帶佢返屋企！

記：可以分享一下你鏡頭以外的生活嗎？

伊：我一放假就行街睇傢俬店，最近就買了個咕o臣，即時覺得好開心，這正正就是伊娃格蓮的野性生活，其實我基本上就是個老女人！

Profile

姓名：伊娃格蓮（Eva Green）

出生地：巴黎

出生日期：1980年7月5日（33歲）

曾參與大製作：《新鐵金剛橫掃皇家賭場》、《戰狼300：帝國崛起》和《怪誕黑家族》