陳嘉寶爆陳國峰底褲面着

一班《女人俱樂部》的嫩版演員陳嘉寶、王敏奕及吳嘉熙昨日在電視城錄影《Big Boys Club》，陳嘉寶大爆主持陳國峰古怪：「我入到錄影廠，見佢條底褲着咗喺面褲上面，又搵個好細嘅盒遮住，我盡量避，但個畫面仲喺我腦海。（尷尬？）覺得幾有趣，未見過。」陳國峰解釋：「我想試吓條褲仔質地，冇理由除褲換，咪着上面試，呢個廠不嬲係男仔天地。」而王敏奕則透露失聲：「睇咗醫生。（男友曾國祥陪你？）自己睇，不過佢有攞藥畀我，都感動。（唔介意同男友情侶檔拍戲？）如果有導演覺得啱，我可以，我諗佢都唔介意。都有監製搵我拍劇，但公司想我專注拍戲。」