《低俗講波團》胸群踢波

無綫《低俗講波團》司儀陸浩明及衞志豪等，昨日與28位（原本32位，4位缺席）World Cup Girls到電視城出席拜神儀式，眾女穿低胸背心及短裙踢足球友誼賽，打底褲及心口事業線一浪接一浪，(11)蘇珊及(28)黎子嘉更奮戰擦傷右膝需貼膠布。而(18)馬嘉韻被問到與女性影脷疊脷激情相，她說：「TVB冇搵我問，我唔係同性戀，只係同好姊妹留念。（身材優勝？）睇到啦！（想喺呢行發展？）有機會就做，冇就唔好嘥時間！以前未夠18歲都冇睇波，因為冇得賭波。（你係賭波唔睇波嘅病態賭徒？）唔算病態，但我試過用3分1嘅錢去賭，輸多過贏。」(9)沈伊晴同樣身材出眾，但她謙稱：「32個女仔身材都好。（唔介意性感？）唔介意，我哋試咗衫，安全措施好好。」受傷的蘇珊則說：「我第一次踢波，傷口仲好痛。」衞志豪及陸浩明則謂不會趁機「抄牌」。