「春卷」王宝宝透露正忙於拍攝由她執導的微電影，預計下月底或五月初上映，問到是否預了蝕本？她說：「係，Just For Fun同為經驗，希望遲啲有公司投資，令佢真係成為電影。」問到有否請教前男友李思捷，她大方承認與對方一同「諗橋」：「但佢依家都忙住周圍飛去玩，之前去咗泰國同韓國，嚟緊去馬來西亞。（唔怕佢遺忘你？）Go Ahead, Have Fun！（你自己有自己玩？）我都想，但暫時要做嘢，完咗之後同幾個姊妹去英國或澳門玩。」

已為人妻的陳爽（左）期待生B，事業心重的王宝宝則忙拍微電影，各有目標！

陳爽則透露連續去了三個地方旅行，包括馬爾代夫、美國及峇里，問到有否順道造人？她笑說：「唔知，BB係上天賜嘅禮物，會嚟就嚟！結咗婚都幾年，家人都期待。（就快有好消息？）唔知，唔識答。」而此行亦啟發她不少寫作靈感。