女星陳加玲早前發聲明自爆曾受情傷，昨晚在活動上又大呻曾受情傷不止一次，遇到壞男人是件慘事，因此不想拍拖，卻不肯透露傷其心者是誰。

陳加玲坦言發聲明大談受壞男人傷害後，心裏舒服得多。

同樣低胸上陣，騷埋玉臂的莊思華（左）養眼度更勝姊姊莊思敏。

Ball后薛芷倫（左起）搶盡葉童和周汶錡的「峰」頭。

雖然熊黛林密實上陣，但依然甚具曲線美。

保養得宜的孫佳君性感迷人！

Ana R.着吊帶裙大騷名模Fit爆身材。

陳加玲昨晚出席支持「Ball后」好友薛芷倫（Fanny）有份投資的餐廳開幕禮，甫進場即自言不想說太多，及後卻自打嘴巴勁開自動波，稱與Fanny認識了三十年，視對方為大姐姐：「我細個時同佢拍過廣告！」她強調本來不想出席公開活動，皆因心情欠佳，更堅稱仍是單身：「我冇拖拍，因為冇乜心情！（受情傷唔拍？）我受情傷都兩次，遇到壞男人係件慘事，作為受害人，二十幾年前嘅事唔想再提，嗰日心血來潮想講，講咗就舒服，要講喺個聲明到講晒！」她又不願透露是誰傷透她的心。

提到有報道指其姊姊陳秀雯因財困而復出拍劇，陳加玲強調要幫家姐澄清：「照我知唔係咁！（指經濟有問題），佢一向好易水腫，可能嗰日畀人影到係角度問題，知佢過去一年花咗好多錢做Facial同瘦身，狀態好好！（陳秀雯復出？）佢依家有幾套戲傾緊，佢以前揀劇本都奄尖，我以前製作電影時佢都會問好多問題，等佢自己揀番！」

問到有否致電家姐以示支持？她說：「六年前嗰件事（指與前姐夫林國雄金錢問題）到依家都未見，佢好忙，希望快啲見到面。」她透露曾試過主動相約姊姊，更再三力撐家姐經濟沒有問題：「佢又有養狗，所以屋企要有花園同露台，因為要有地方畀狗行。（冇節衣縮食?）佢都住幾千呎，香港都算係OK。（家姐仲嬲你?）你下次幫我問吓佢，自己冇嬲佢好耐。」她稱家姐向來很樸素。

熊黛林唔啱去「滾」

而身為主人家的薛芷倫拋胸現身，獲男模宋斗煥即場獻花，她指現時投身飲食業，凡事要親力親為：「我連Book台都做埋！」她不肯透露投資金額，問到前夫馬清偉有否金錢上支持？她表示家人在精神上支持已足夠，還笑言因試菜而變胖。

此外，名模熊黛林表示希望日後與友人開餐廳，問到是否開火鍋店？她說：「唔係好啱我！我想開嘅餐廳係安靜、浪漫同傾到偈。（以前唔夠浪漫?）夜啲食飯地方冇乜選擇！」