有指郭富城與名模熊黛林的七年情因苟芸慧介入而結束，事後苟芸慧因壓力患病，要到加拿大醫治。近日已復工的她，今天會跟城城一同出席活動，是二人傳緋聞後首度公開碰面。城城經理人小美表示數天前已得知會跟苟芸慧同場，但絕不介意：「大家都係廣告老拍檔同朋友。（佢哋傳過緋聞喎！）合作過都係朋友，唔會受到乜嘢新聞而影響友誼。」問到有緋聞作噱頭，酬金會否較高？小美笑說：「城城要履行代言人嘅職責，點可以無端端加價？（怕唔怕全程講緋聞？）咁就要記者乖啲，問多啲活動嘅嘢！」至於苟芸慧則同樣表示不會尷尬，亦不用避忌：「個心有事先要避，我哋係朋友。（佢最近同個19歲女仔傳緋聞？）佢私人嘢就唔想幫佢回應。（甩難？）我哋每次一齊唔一定要傳緋聞，佢係我前輩。」

傳緋聞後，城城與苟姑娘將首度一起出席公開活動。

苟芸慧