清純的嘉欣BB防線失守！昨日她與許廷鏗出席活動時獲對方「捽手仔」卸妝，更笑言舒服到瞓着，而獲心目中女神大讚的許廷鏗雖然興奮，但坦言不敢隨便亂摸。

許廷鏗有幸獲嘉欣BB奉上玉手任捽，緊張到硬晒軚！（設計對白）

剛探親回港的鍾嘉欣雖舟車勞頓，依然容光煥發！

魔術師瞬間變出商品，睇到鍾嘉欣和許廷鏗嘖嘖稱奇。

鍾嘉欣（Linda）及許廷鏗（Alfred）昨日為shu uemura植村秀發布會擔任嘉賓。活動上Alfred為嘉欣BB「捽手仔」卸妝，更獲BB大讚溫柔，Alfred笑言不敢亂摸女神：「第一次幫女仔卸妝，雖然只係摸到隻手，但都係女神！（唔可以亂摸？）梗係啦！」嘉欣大讚Alfred手勢好，但提到緋聞男友伍允龍則即時「落閘」：「好Enjoy，直頭舒服到可以瞓着！（伍允龍唔幫你按摩？）唔講呢啲嘢。」

剛從溫哥華探親回港的嘉欣BB表示仍受時差影響，休息不足擔心令皮膚變差：「一年冇返去，今次係入行十年第一次同爸爸同哥哥過生日！」問到有否受馬航客機失蹤事件影響而害怕坐飛機？她透露好友爸爸乘搭該班客機，令她非常擔心：「我每日都祈禱可以盡快搵番架機！（有冇安慰朋友？）仲未搵番，冇必要日日提。」

錫晒前世情人

此外，白色情人節將近，問到嘉欣會否回禮？身為孝順女的她笑言以爸爸為先：「我好快又會再去探我嘅前世情人（爸爸），仲會織頸巾畀佢！佢嫌我平時成日做嘢忽略咗佢，我以前認為賺錢畀好生活屋企就夠，依家希望可以同爸爸分享番多啲經歷。（唔回禮畀伍允龍？）理咗爸爸先！」而Alfred則「暗示」粉絲要識做：「今年寄望喺歌迷身上，希望收到好Sweet但唔會食肥我嘅禮物！」