徐子珊、吳啟華及王浩信等昨日齊齊為新劇《再戰明天》開工，拍攝一場Pre-Wedding戲份。由於天氣寒冷，一眾演員於未埋位時也要穿上外套保暖，弱不禁風的子珊更帶備暖包上陣，問到有否憧憬日後的婚禮情景？子珊笑說：「絕對唔係呢度，應該會係溫暖地方，同成班好朋友一齊，應該會好開心，沙灘幾好呀！（三點式？）又唔一定，着薄紗裙都好靚，唔使着高踭鞋先。」

怕凍的子珊笑言憧憬的結婚場景是溫暖的地方。

吳啟華大爆與子珊將有幾場親吻戲。

啟華則透露今次與子珊有幾場親吻戲，並大讚她十分投入。談到戲中為另一半改變，啟華不諱言也有為太太改變：「以前我唔買衫，依家就會成日去買。（夫妻裝？）冇刻意，婚後少啲，冇咁激動。」至於以波浪恤衫現身的王浩信，笑指現時不介意穿裙、高踭鞋及搽黑指甲，更有意紋身，給自己工作上一股推動力。