「宇宙最強」甄子丹與太太汪詩詩昨日為家品生活館擔任剪綵嘉賓，大會即場送上印有「丹」字的床褥，並安排小男孩獻花，子丹不時撫摸他的頭，盡顯父愛！提到妹妹汪圓圓宣布懷孕，詩詩指圓圓有嘔吐，但不會傳授做準媽媽的心得，子丹即笑說：「佢（圓圓）生完我請教番佢。（想再生BB？）如果生有個伴陪吓姨甥，我仔女都大啦！」問到是否要生6個？子丹發揮搞笑本色說：「6個生唔生到呀？5個啦！老婆初初夠話要生9個，成隊足球隊。」詩詩說：「未生過以為大肚好易，淨係食吓嘢。」子丹即忍不住取笑老婆：「佢以為好多好處，嗰時佢要食咩我都陪佢食o架！」

子丹與老婆詩詩拍拖出席活動，認真恩愛！

此外，提到蔡家有意在大宅興建兒童樂園，子丹說：「未聽過，但趁住咁嘅機會，順便（生BB）啦！我哋有份用，仲有7件！」他愈說愈起勁，更落足嘴頭氹老婆生：「今晚努力，反正呢兩個月未開工，又有新床褥，望住『丹』字一睇知係『宇宙最強』！」嚇得在旁的詩詩耍手擰頭大嗌：「No！Oh My God！最貴嘅床褥都唔得，Sorry。」