陳寶珠與梅雪詩兩位同門師姐妹，月來齊齊演出《再世紅梅記》，並齊上《東網》娛樂onShow接受主持俞詠文訪問，二人大爆師傅白雪仙要求嚴格！寶珠姐更論盡當年三位紅極一時的拍檔胡楓、呂奇和曾江！

陳寶珠（右）和梅雪詩坦言，對師傅白雪仙又敬又畏。

白雪仙

阿嗲（左）和寶珠姐表示，在師傅白雪仙的眼中，她們的表現只有60分！

梅雪詩（左起）和陳寶珠齊齊上《東網》，接受娛樂onShow主持俞詠文訪問。

月來齊齊為《再世紅梅記》作演出的陳寶珠與梅雪詩（阿嗲），接受《東網》娛樂onShow主持俞詠文訪問時表示，師傅白雪仙凡事力求完美，笑言在師傅眼中她們的表現只有60分！

對仙姐又敬又畏的寶珠姐坦言對演出緊張：「驚到血都凝固咗！喺仙姐眼中我哋永遠都做唔到佢所需要嘅！佢嬲嗰陣我哋唔敢出聲！」自爆曾被仙姐鬧到喊的阿嗲則說：「慣咗師傅好嚴！寧願佢鬧！佢唔鬧我仲驚呀！」

享受與新抱相處

另外，寶珠姐兒子楊天經已結婚近三年，身為奶奶的她十分享受與新抱相處，她笑說：「同新抱好熟落！半個女咁！大家都互相尊重！做奶奶唔可以太過擺款！」她大讚天經婚後更成熟，不過生孩子方面不希望給他壓力：「你有，我又咁歡喜；你冇，我都咁歡喜！」向來有不少裙下之臣的寶珠姐透露，現時少接觸新朋友：「要睇吓當時嘅情況係點啦！唔係求其有一段感情嚟我都Open o架！」

寶珠姐出道以來以玉女形象見稱，尚未獻出螢幕初吻，不過就與紅極一時的小生胡楓（修哥）、呂奇及曾江合作無間！寶珠姐笑指修哥及呂奇皆斯文又規矩，而曾江則最調皮：「拍戲就嚟你度拎嘢食，搵你玩，成日唔正經吊兒郎當咁！」寶珠姐又自言隨着年齡的增長，令她減少了執着，變得風趣開朗。