羅力威去年中與緋聞女友雨僑蜜遊日本斷正，而他在旅行時靈感爆發，遊日期間不忘寫歌。出道時被指模仿周杰倫（周董）的他，幾經努力，近年已能走出周董的影子。

羅力威儲首期，準備置業。

周杰倫是成功的歌手，羅力威出道時被指模仿周董。

羅力威（右）接受李國能訪問，坦承跟雨僑蜜遊時作情歌。

羅力威與雨僑去年蜜遊日本。

雨僑

英皇歌手羅力威接受新城DJ李國能（阿T）《音樂通世界》的專訪時大談新碟，他承認其中一首情歌《秋葉緣》，是去年與雨僑遊日本時所寫的，問到旅行時仍不忘作歌，可會感到壓力？他說：「創作係最忙嘅工作，除咗演出，仲要度橋創作，長年累月都忙緊，置旅行於忙都好值得，要學識享受兼承受。」

儲首期準備置業

剛出道時，羅力威經常被指模仿台灣天王的周杰倫的曲風及唱腔，近年他漸漸從周董的影子走出來：「呢一、兩年開始冇聽過人哋咁講，我一定有聽周董嘅歌，畢竟佢係呢代成功歌手，我都有付出自己努力，我覺得可以似佢十分一都已經唔錯喇！」

問到可會以在紅館開個唱為目標？他笑說：「其實依家開得啦！不過唔知有冇人睇，睇完容祖兒完成個唱壯舉，都朝呢個目標進發。」而他另一目標則是建安樂窩，不用再擔心生計：「我希望可以打破音樂搵唔到食呢個宿命，我會堅持呢團火，都擔心過自己會熄呢團火。」而他的理想Dream House並不是千萬豪宅，而是但求就腳：「一路都仲儲緊首期，我想間屋附近有得買嘢食，交通方便，最好唔會得一條行車路，因為我驚塞車。」