今年是19年一度中西合璧的情人節，單身的混血模特兒Alice B.昨日出席活動，她坦言想慶祝：「我等緊嗰個男仔出現，可能我會同朋友慶祝。（會唔會試吓Speed Dating？）我想試呀！覺得好有趣！」她又透露前日因食物中毒和脫水而入院，逗留5、6小時才出院，病情不算嚴重，又自言這兩日睡了很多。問到吃錯甚麼？她說：「唔知，可能係蛋同魚，又或者係壽司，醫生叫我戒口，唔好食咁油嘅嘢，同埋依家食雞有啲危險，我都唔會食雞住。（有冇瘦到？）我諗有少少，我會飲多啲水同Keep住食嘢，唔想瘦，想健健康康。（有冇人照顧你？）我個Flatmate，不過我主要都係瞓，我都有打電話畀喺英國嘅爹哋，同屋企人傾完偈感覺好啲！」

Alice看上去精神奕奕，似乎已無大礙。