港姐冠軍陳凱琳代表香港奪得國際中華小姐冠軍，昨日到深圳領取后冠及權杖的她，因后冠太大而有點狼狽！她指今次似其選美生涯的畢業禮，稍後將投入拍劇。

纖瘦的陳凱琳連頭圍都細過人，后冠明顯「唔啱戴」！

鍾熠（左）為陳凱琳整理后冠，相當體貼！

朱璇（左起）、張佩雯、鍾熠、陳凱琳及黃婷麗舉杯慶祝。

四位出爐國際中華小姐包括冠軍陳凱琳、亞軍鍾熠、季軍黃婷麗及友誼小姐張佩雯，昨日到深圳領取后冠，師姐朱璇則力谷三吋事業線搶鏡。品牌代表為陳凱琳戴后冠時發現太大，細心的鍾熠即上前代為整理。

未有「嫁」期

連奪兩冠，陳凱琳憑所得后冠已榮升小富婆，她表示父親有收藏好后冠，不會變賣，稍後會好好答謝父母及嫲嫲，希望一同去旅行。她表示很開心能與郭羨妮及李嘉欣齊名同奪國際中華小姐及香港小姐兩個冠軍，又指之前在化妝間遇到郭羨妮，但因怕醜而只敢與對方打招呼：「好想話佢知係佢啟發我去選港姐，但好似好尷尬咁！（咁你下一步都好似佢哋咁結婚？）佢哋都冇咁後生就結，仲有時間。」又指選港姐似一個大考試，選國際中華小姐則似畢業典禮，今後未必再有機會選美，而約三月會拍攝新劇《商戰》。

朱璇唔畀「宅」

至於朱璇表示農曆新年父母會來港度歲，更被父母催拍拖，着她不要常匿在家中，朱璇自稱要求不高，問到可接受相睇？她自爆五年前確有試過，但當時心態與現在完全不同，現在有介紹的話是相當歡迎！