吳啟華、徐子珊及朱千雪等昨日為劇集《再戰明天》試造型及拜神，子珊除與啟華在劇中發展忘年戀外，還被楊詩敏（蝦頭）暗戀，感情曖昧，她說：「劇情講同啟華相差十幾年，BB嗰陣仲畀佢湊過，講我哋點樣排除障礙。」又指未清楚劇中與啟華有否咀戲，不論與啟華或蝦頭咀都冇所謂，笑言為藝術犧牲，現實中也不介意忘年戀。

徐子珊笑言如果要咀吳啟華，便當作是為藝術犧牲。

朱千雪在劇中暗戀黃德斌，大讚對方夠型。

而文質彬彬的啟華以全副武裝示人，他透露數月前已為角色跑步操弗：「本來曬到好黑，但好快又白番，跑步之後冇咗肚腩，心肺功能好咗好多。」他大讚首次合作的子珊勤力有天分，感覺似拍檔蔡少芬，並透露剛與老婆歐遊血拼十多日，問到是否造人？他笑說：「好耐冇同佢去旅行，佢又好鍾意Shopping，呢套劇嘅酬勞未拍已經使晒！」

而朱千雪在劇中暗則戀黃德斌，大讚他是型男。至於資深演員丁主惠由香港電視重返無綫並簽長約，問到是否因在港視拍劇傷頸鬧爆王維基而回巢？她對回巢未感尷尬：「唔係！自己以前喺TVB好長時間，返到TVB大家庭好有歸屬感，TVB都對我好好。」另外，子珊有份演出的音樂電影《愛情來的時候》錄得18點平均收視，無綫更接獲39宗意見讚賞子珊演技精湛，情節感人；星期日晚舉行的《2014國際中華小姐競選》最高收視點有19點；而收視保持在26點的新劇《單戀雙城》於過去一周通訊事務管理局共收到20宗投訴，指內容鼓吹多角戀。