名模Amanda S.向來熱心行善，已有生兒育女大計的她尤其關注與小朋友有關的慈善團體。她最近在醫院照顧一名天生沒有排泄器官的內地女孩，並於社交網站分享對方的遭遇，獲不少市民和應。Amanda希望身體力行，喚起市民的愛心，幫助身邊有需要人士。

Amanda S.在網上分享Sophie的遭遇，呼籲更多人給予幫助。

Sophie因先天缺陷慘遭拋棄，令Amanda 十分心痛。

愛心爆棚的Amanda S.（右）不時與友人探望Sophie。

名模Amanda S.早前透過慈善團體醫藝盟認識一名小女孩Sophie。Sophie是一名來自內地的孤兒，今年兩歲半，天生沒有肛門及尿道，故不能排泄，幸獲熱心人士幫助，現已籌得四十萬元，正在養和醫院接受手術及休養。

讚Sophie堅強

Amanda最近頻頻到醫院探望Sophie，連聖誕節亦在醫院度過，愛心無限的她說：「醫院只係幫佢做手術同提供三餐，冇人幫佢洗衫，所以每次探佢都會幫佢洗，仲會買佢鍾意食嘅布甸、維他命及奶粉等營養食品。我12歲喺印度住時已經喺當地孤兒院做義工，之後喺香港有幫母親的抉擇做義工，所以有照顧小朋友嘅經驗。」

她認為Sophie很可憐，但Sophie反而很堅強，經常笑容滿面：「我從來冇見過佢喊，就算痛都唔會喊。我記得第一次抱佢，佢唔係好舒服，原來醫生喺肚嘅位置開咗一個窿用嚟排泄，我唔小心整到佢。我真係好欣賞Sophie，又覺得自己好幸福，所以應該要作出回報，去幫助有需要嘅人。」早前她於社交網站分享Sophie的遭遇，其餅店客人看到後紛紛捐玩具及衣服，令她非常感動。問到對小朋友充滿愛心，何時會造人？她說：「順其自然，唔會諗太多，有壓力反而失敗。我同老公都想要個女，新一年希望世界有需要嘅人都得到幫助，大家健康快樂。」