胡杏兒、吳卓羲（Ron）、羅仲謙和岑麗香等昨日出席無綫新劇拜神，近期天氣時熱時冷，杏兒與Ron均患上感冒，杏兒還笑言已將病菌傳染同劇的陳煒，交叉感染齊齊病！

患上感冒的杏兒笑言，已將病菌傳染給陳煒。

陳煒

羅仲謙（左）和吳卓羲開心得齊齊揮手。

胡杏兒、吳卓羲、岑麗香和羅仲謙等昨日為無綫古裝劇《醋娘子》拜神，與Ron同患感冒的杏兒笑言已將感冒傳染了同劇的陳煒，交叉感染齊齊病！杏兒除受病魔纏擾外，因在劇中不停呷醋及經常嗌交，令她感到十分疲倦！問到休息時間是否足夠？她說：「都夠嘅，佢哋都好就我，盡量度期畀我出去做嘢。」

鼓勵馬賽復出

Ron指受到近期冷熱天氣影響患上感冒，曾跟馬賽傳緋聞的他，對於馬賽復出，Ron說：「好快就過去，香港人好善忘，最緊要係佢鍾意演藝工作！（會否傳短訊慰問馬賽？）我哋冇交換過電話，冇聯絡，但作為同事會鼓勵佢。」

岑麗香於新劇中女扮男裝飾演羅仲謙的書僮，她笑言所扮的是古代版TB，劇中的文謅謅對白是一大挑戰，同時可學習中國文化，但需要友人為她翻譯劇本，問到可擔心廣東話不好，會像苟芸慧被觀眾批評？香香說：「我中文差，已經慣咗畀人話，只希望有進步，第一次做古裝壓力都好大，希望做好啲。」