張兆輝的美容品牌昨日舉行產品發布會，圈中好友苗僑偉（三哥）、黃日華、江美儀及Jessica C.等到場支持，以開胸紅裙上陣的JC大騷招牌「警鐘胸」，嚇得見慣大場面的三哥亦不敢正視。

JC穿上中門大開紅裙，相當誘人，令三哥也不敢正視。

苗僑偉

身為老闆的張兆輝出席品牌活動時心情大好。

以露膊裙上陣的江美儀，在猛男陪同出場。

張兆輝、苗僑偉、黃日華、江美儀及Jessica C.（JC）等昨日出席美容品牌《GVG醫之美》產品發布會，身為老闆的輝哥大呼開心，提到江美儀的代言照十分性感，他說：「以前佢含蓄保守，依家狀態好只係開放咗，都冇乜嘢睇，事業線我都有啦！」而以Deep V紅裙亮相的JC大晒驕人上圍，席間為模特兒示範敷Mask時，一招倒奶即時嚇得三哥要出口術自保：「唔敢望，費事到時又唔知寫乜！」

憂老友失業

至於江美儀亦以露膊裙上陣，有猛男伴着出場的她表示原本更性感：「本來件衫係中門大開，不過我自知冇本錢，所以最後換咗呢套。（輝哥話你冇嘢睇？）係o架！咪又係嗰啲，又唔會突然多咗樣嘢。（怕唔怕畀JC搶鏡？）唔怕，佢年輕貌美，我就成熟穩重。」提到香港電視不獲發牌，她覺得政府應交代清楚原因：「等佢知道要改善嘅地方。（可惜？）作為觀眾已經多咗兩個台嘅選擇，我反而擔心過咗去嘅朋友會失業。」