貪靚的莊思敏早前落手落腳為自己設計牛仔褲，最近更把牛仔褲推出市面，實行「寓扮靚於賺錢」！但精明的她亦曾碰壁，早年推出自家設計的男裝T恤品牌時損手爛腳，最終結業離場。

吃過苦楚的莊思敏吸取經驗，望再度在商界大展拳腳！

與模特兒朋友合作的莊思敏（左），對自家設計充滿信心。

力谷自家出品的莊思敏，穿上牛仔褲大擺甫士。

模特兒出身的莊思敏與時裝結下不解緣，身為「衣架」的她經常演繹不同的靚衫，酷愛時裝的她早年推出自家品牌的男裝T恤，可惜虧損離場，她說：「我真係好鍾意時裝，以前試過開設自己設計嘅男裝T恤品牌，但因為規模細，要依靠山寨廠嚟製作T恤，點知山寨廠好不負責任，啲T恤成日貨不對辦，唔係式樣錯，就係布料質地唔啱，仲成日遲出貨，搞到我哋冇貨畀客，所以冇幾耐呢盤生意就倒閉咗！」

合夥減風險

雖然經歷過失敗，但仍無阻莊思敏滿足時裝設計的欲望，精明的她說：「我好鍾意服裝設計，咁啱有模特兒朋友經營牛仔褲生意，我哋就合作推出我設計嘅四款牛仔褲，我淨係需要設計，唔需要負責品質監控，因為朋友本身就有大規模嘅牛仔褲廠Back Up，咁我亦唔怕要承擔製作成本，如果牛仔褲賣得，我仲有錢賺，哈哈！」如此「數口精」，難怪莊思敏可同時兼顧時裝店及化妝學校等生意，賺到盆滿缽滿啦！