昨晚黎明愛將Janice Man（JM）性感露Bra捧新歡Moiselle太子爺陳柏熹場，二人受訪時不時打情罵俏，JM更指對方符合擇偶條件，並開口想要新戀情。

Harris談到與JM的關係時一臉尷尬，卻大膽擁着對方纖腰。

超盈盛裝赴會，並大擺靚甫讓記者拍照。

先後與衞以德及陳柏熹（Harris）傳緋聞的JM，昨晚高調現身「ZING & MOISELLE」聯乘系列發布酒會撐Harris場，並以超低V紅色外套及露黑色Bra Top上陣。二人大方合照及受訪，Harris更擁着JM纖腰影相，略帶尷尬及不時流汗的他說：「因為着住外套同埋熱。（女友性感所以流汗？）我係無奈滴汗，靚就可以性感，佢有本錢！」又搞笑地表示「想(目及)嘢」，JM指今次已是性感底線：「平時出活動好少咁性感，但佢安排就好。（為Harris可以性感？）一直好支持佢。（收友情價定冇收錢？）好朋友冇計。」果然很信任Harris！

當眾耍花槍

Harris卻否認兩人拍拖，問到JM是否其女神時？他口窒窒說：「呀……佢係好多人女神。（幾時發力追佢？）都好尷尬，佢受溝我會追，講笑啫，係朋友。」面對Harris公開追求，JM亦不諱言渴望新戀情，問到Harris是否合乎擇偶條件，JM即滔滔不絕大讚他：「佢好有紳士風度，好照顧身邊人，設計嘢有心機，又有上進心，最緊要有上進心！（有冇發展機會？）隨緣！我單身咗一段時間，工作為先。」當談到另一緋聞男友衞以德，JM態度即180度轉變：「呢個朋友了解過，了解未必一定啱，係朋友。（你依家係Single And Available？）如果要界定都係。」

拒公開送吻

另外，提到早前為Harris慶祝生日，JM說：「係呀﹗佢過兩日就生日。」問到Harris如何答謝？Harris笑說：「下年同佢慶祝。（佢十二月生日喎！）乜唔係一月咩？」JM即故作不滿說：「唉！咁都得！」並拒為Harris獻上Birthday Kiss：「呢度咁多人。」Harris即搭口說：「好多人都有畀Birthday Kiss我。」JM則回敬說：「不過我唔會囉！」二人公然耍花槍。此外，Harris舊緋聞女友、賭王千金何超盈亦有現身。而今次擔任時裝設計師的星級化妝師Zing表示，會送新作給好友王菲，他透露之前曾跟王菲在北京見面，卻不知她來港住在趙薇家，並聲稱一定會再有合作：「但冇咁快。」