歌手蔚雨芯（Rainky）與組合EO2成員Eddie昨日在室外出席腕錶宣傳活動，一身秋裝的Rainky笑說：「我以為今日會比較涼，出到嚟先知咁熱，結果依家成身汗。」

Rainky和Eddie在室外出席活動，Rainky更率先穿上秋裝，結果熱出一身汗！

Rainky又表示正忙於籌備下月上演的舞台劇，更大爆有份演出的狄易達（達仔）弄傷她：「我同佢排舞，佢要抱起我嘅，不過佢就唔到力跌咗我落嚟，跌到我膝頭瘀晒！」又透露劇情講述她與達仔的一場纏綿愛情，由青年演至公公婆婆，問到二人有多纏綿？她卻大賣關子，希望觀眾能入場欣賞。