歌手鄧麗欣昨日出席首個個人相展，對於其中一張被肌肉男伸頭「探胸」的相，她坦言是為慈善及藝術犧牲。而獲男友方力申大讚好靚的她強調對方從沒要求拍此「慾照」。

鄧麗欣樂意為慈善及藝術犧牲，拍下「探胸」照。

洪天明及周家蔚亦到場支持Stephy，洪天明還「無厘頭」地扮相中的肌肉男，假裝把頭伸進Stephy的「衫」內，十分搞笑！

鄧麗欣（Stephy）昨日以一身高貴Look為個人相展揭幕，請來好姊妹區文詩任司儀，而洪天明與太太周家蔚亦有現身支持，由於未見男友方力申的影蹤，天明「抵死」地大叫：「我代方力申嚟！」令Stephy十分尷尬，問到男友有否見過這張「探胸」相？她說：「有！佢話好靚，覺得係藝術。（佢咩都睇過晒？）都咁多年仲講呢啲？」

「做情侶會做嘅嘢」

對於「探胸」相，Stephy表示不想予人色情的感覺，她說：「都係做一啲情侶會做嘅嘢，每對情侶都有情趣。（方力申有冇要求影番輯？）冇！」由於今年是她人生的第三十個年頭，問到是否已有結婚打算？她說：「係！不過未有計劃，大家都有共識，相信佢唔會冒呢個險（指求婚）。」