前港姐寇鴻萍與女兒唐貝詩、唐貝欣及名模陳嘉容等昨晚出席護膚品牌晚宴，赫見三母女的鼻子突然變高，如同餅印！寇鴻萍透露剛大學畢業的細女貝欣會繼續學業，到牛津讀碩士及主修政治經濟，至於在其經營的網站公司工作的長女貝詩則會升職加人工，惟貝詩卻不知自己升職，但仍多謝母親並指會以CEO為目標。寇鴻萍說：「依家放手畀個女搞，有好多嘢交畀佢處理，佢依家提早十五分鐘返工，好勤力又負責任，所以加人工外，仲轉個職銜畀佢。」

寇鴻萍（左起）、貝欣及貝詩三母女突然「高鼻」，相當神奇！

陳嘉容悉心打扮赴會，相當畀面！