佘詩曼擇偶唔揀富二代，對於感情事一切隨緣。

佘詩曼出席鑽飾店剪綵活動，揚言不希望以金錢衡量感情，更「嫌棄」內地富二代太年輕，對於情路，她表示一切隨緣。

佘詩曼擇偶唔揀富二代，對於感情事一切隨緣。

佘詩曼（左二）與黎耀祥齊齊出席鑽飾專門店剪綵活動。

黎耀祥（右）同太太十分恩愛，連出席活動都形影不離。

佘詩曼昨日與黎耀祥齊齊戴上逾百卡鑽飾出席「四季會珠寶鑽飾專門店」剪綵。談到收藏鑽飾，阿佘「慳妹上身」說：「唔捨得呀，咁貴！買樓好似保值啲，活動有贊助戴吓已經好滿足。（留番男友送？）都好喎，不過冇試過咁厚禮，而且唔鍾意用錢去衡量感情事。（喺內地有富二代追求？）我唔鍾意太細個，況且識人都唔知人哋係咪好有錢，上進心比較緊要。」談到過氣緋聞男友鄭嘉穎現時甚麼都不缺，只缺好老婆，阿佘即笑說：「唔回應喇，都想佢有個好老婆，我自己就隨緣啦！」

黎耀祥視帝遇勁敵

最近無綫劇集《衝上雲霄II》掀起全城熱潮，兩大型男張智霖（Chilam）與吳鎮宇成為Icon人物，連奪3屆視帝的黎耀祥今年遇上勁敵，他笑說：「Chilam靚仔，鎮宇啲滄桑味又好吸引我，佢淨係望住粒糖做戲已經殺死人，呢啲咪至高境界囉！」