美棋BB整布甸的手勢熟練，一睇就知廚藝不俗。

童星出身的香港電視女藝員黃美棋外形可愛，被稱為「美棋BB」，她趁父親節前夕試整煙肉牛油果忌廉意粉及木糠布甸孝敬父母。問到最叻煮甚麼？她說：「中、西都識，而泰式炸蝦丸個個都讚彈牙。我媽咪嘴刁，一定要我煎嘅牛扒先食。」有一兄一姐的美棋是家中細女，一家人關係和睦，她更笑言「家有Funny爸」，每日都充滿歡樂：「早幾日一齊睇電視，爸爸突然WhatsApp話我頭頂有條毛毛，明明喺隔籬都唔講！佢好得意，我哋嘅關係似朋友。（你咁早入行，爸爸畀咩忠告？）佢叫我千祈唔好囂，就算有成就，都要保持學習嘅心。」

美棋BB整布甸的手勢熟練，一睇就知廚藝不俗。

美棋BB整意粉又整布甸氹父母開心，乃孝順女一名。